Litlir eldar alls staðar
Litlir eldar alls staðar
Litlir eldar alls staðar
Litlir eldar alls staðar
Litlir eldar alls staðar

Litlir eldar alls staðar

Venjulegt verð 3.899 kr Tilboð

Ein af 10 bestu skáldsögum áratugarins - TIME

Í Shaker-hæðum er allt ítarlega planað og enginn er meiri holdgervingur þess anda en Elena Richardson. Þar til Mia, leyndardómsfull listakona, flytur í þessa fullkomnu kúlu með unglingsdóttur sinni Pearl og leigir hús af Richardson-fjölskyldunni. En Mia á sér dularfulla fortíð og virðingarleysi hennar fyrir reglum ógnar þessu vandlega skipulagða samfélagi.
Litlir eldar alls staðar eftir Celeste Ng var valin besta skáldsaga ársins 2017 í lesendavali Goodreads og Amazon.

Í Shaker-hæðum, rólegu og framsæknu úthverfi Cleveland, er allt ítarlega planað — frá skipulagi veganna, til litanna á húsunum, til farsælla lífa sem íbúar þess munu halda áfram að lifa. Og enginn er meiri holdgervingur þess anda en Elena Richardson en hún hefur það að leiðarljósi að fylgja reglunum.

Þar til Mia Warren, leyndardómsfull listakona og einstæð móðir, flytur í þessa fullkomnu kúlu með unglingsdóttur sinni Pearl og leigir hús af Richardson-fjölskyldunni. Fljótlega verða Mia og Pearl meira en leigjendur; öll fjögur börn Richardson-hjónanna dragast að mæðgunum. En Mia á sér dularfulla fortíð og virðingarleysi hennar fyrir reglum ógnar þessu vandlega skipulagða samfélagi.

Þegar vinir Richardson-fjölskyldunnar reyna að ættleiða kínverskt-amerískt barn, gýs upp forræðisdeila sem klýfur bæinn í tvennt og verður til þess að Mia og frú Richardson verða andstæðingar. Frú Richardson, sem finnst Mia og viðhorf hennar grunsamleg, verður staðráðin í að afhjúpa leyndarmálin í fortíð Miu. En þráhyggja hennar mun hafa óvæntar og skelfilegar afleiðingar fyrir hennar eigin fjölskyldu — og Miu.  

Verðlaun

Bókin heitir á frummálinu Little Fires Everywhere og er eftir bandaríska rithöfundinn Celeste Ng (borið fram ing).

Bókin var valin besta skáldsaga ársins 2017 í lesendavali Goodreads og Amazon, og ein af 10 bestu skáldsögum áratugarins hjá TIME.

Sjónvarpsþættirnir sem voru gerðir eftir skáldsögunni hlutu 5 tilnefningar til Emmy-verðlaunanna 2020. Framleiðandi þáttanna er Reese Witherspoon en hún leikur jafnframt eitt aðalhlutverkið (frú Richardson).

Hér til hliðar má sjá mynd af aðalleikurum þáttanna, sem er hægt að sjá á Hulu og Amazon Prime. Þættirnir eru töluvert ólíkir bókinni en mjög góðir.


Umsagnir

„Margslungin skáldsaga. Litlir eldar alls staðar er ekki hasarbók, en hún heldur lesandanum engu að síður föstum. Með bók eins og þessa þá langar mann oft að vita meira um örlög persónanna og Ng gefur smá innsýn í örlög þeirra  smá glugga inn í framtíðina alveg óvænt og það er eins og svalandi vatnssopi á heitum sumardegi.“

„Ng veltir upp fjölmörgum spurningum um móðurhlutverkið. Hver er hin eiginlega móðir barns? Móðirin sem bar barnið í heiminn? Sú sem veitir því ást? Líffræðileg móðir þess? Hvað þarf til að vera móðir? Eiga allir rétt á að eignast barn? En ekki síður varpar hún ljósi á það hve margslungið móðurhlutverkið getur verið.“

„Atburðurinn sem byrjaði bókina er líka sá sem endar hana – bruninn í húsinu. Sagan er vel skrifuð, persónurnar forvitnilegar og hver saga innan skáldsögunnar áhugaverð og til þess fallin að vekja lesanda til umhugsunar um móðurhlutverkið, listina og hversdagslífið.“ 

 — Lestrarklefinn 

 „Litlir eldar alls staðar er bók sem lætur kannski ekki mikið fyrir sér fara, en það er einmitt þar sem töfrarnir leynast. Í flekamótunum þar sem núningurinn kveikir lítinn eld. Hægt og rólega púslar Celeste Ng sögunni saman svo hver kafli vekur upp spurningar sem engin fullkomin svör eru til við.

Hvernig á sjálfstæð listakona að lifa úthverfalífi? Hvernig komum við fram við fólk sem er öðruvísi en við? Er hægt að flýja sjálfan sig?“ 

— Snorri Rafn Hallsson

 „Það er vægt til orða tekið að segja að ég elski þessa bók … ég komst í geðshræringu. Sagan er djúpur leyndardómur um mátt móðurhlutverksins, ákefð unglingaástar og hættuna við fullkomnun.“  

— Reese Witherspoon

 „Bæði margbrotin og heillandi lýsing á óhugnanlega fullkomnu úthverfi…og spennandi skáldsaga um móðurhlutverkið…Það er magnaður árangur.“

— Publisher’s Weekly

 „Fyndin, djúpvitur og ljúf. Hún er dásemd.“

— Paula Hawkins

„Ég var að klára Litlir eldar alls staðar og veit ekki hvað ég á að gera við sjálfa mig.“ 

— Nigella Lawson 

„Vel skrifuð, algjörlega heillandi og með góða innsýn í unglingsárin og áhrif.“

— Nick Hornby 

Spurningar fyrir bókaklúbba, smellið hér til að opna pdf-skjal.

Stikkorð: Fjölskylda, foreldrar, unglingar, ættleiðing, fordómar, vinátta, kynþættir, áhrif, listakona, ljósmyndun.

Þýðandi: Berglind Baldursdóttir. 

Frí heimsending um allt land

Bókin fæst einnig á þessum sölustöðum, sem bjóða flestir upp á heimsendingu:

Penninn Eymundsson, Bóksala stúdenta, Forlagið, Heimkaup.

 Mynd af höfundi: Kevin Day Photography