Hungur, sjálfsævisaga Roxane Gay
Rithöfundurinn Roxane Gay
Hungur - Minning um líkama (minn)
Hungur - Minning um líkama (minn)

Hungur - Minning um líkama (minn)

Venjulegt verð 2.290 kr Tilboð

Hungur - Minning um líkama (minn)

Í þessari einlægu sjálfsævisögu ræðir metsöluhöfundurinn Roxane Gay upplifun sína af því að búa í líkama sem hún kallar „gríðarlega óstýrilátan.” Hún lítur skilningsríkum og krítískum augum yfir barnæsku sína, unglingsárin og þrítugsaldurinn — þar á meðal ofbeldisverk sem markaði þáttaskil í ungu lífi hennar — og færir lesendur inn í nútíðina og raunveruleika, sársauka og gleði daglegs lífs hennar.

Roxane veltir fyrir sér mörgum samfélagslegum málefnum, eins og líkamsímynd, offitu, magaermiaðgerðum, Biggest Loser og megrunariðnaðinum. En hún fjallar líka um hvernig við getum sýnt hvert öðru meiri nærgætni og góðvild. 

„Sagan af líkama mínum er ekki saga af stórsigrum. Þetta er ekki minning um megrun. Hér mun ekki birtast ein einasta mynd af mér grannri þar sem ég stend í annarri gallabuxnaskálm míns fyrra, feita sjálfs. Þetta er ekki bók sem mun veita hvatningu. Ég bý ekki yfir einstökum skilningi um hvernig á að vinna bug á óstýrilátum líkama og óstýrilátri matarlyst. Saga mín er ekki saga velgengni. Saga mín er, einfaldlega sönn.”
Hungur hlaut Lambda bókmenntaverðlaunin og var valin ævisaga ársins hjá Guardian og Goodreads.

Bókin var valin ein af bókum ársins hjá People, Elle, Washington Post, Chicago Tribune, BookRiot og PopSugar.

Hungur hlaut þýðingarstyrk frá Miðstöð íslenskra bókmennta og einnig styrk úr sjóðnum Stuðningur við útgáfu bóka á íslensku. Söluverð bókarinnar hefur verið endurreiknað með tilliti til þess.
Um höfundinn

Roxane Gay var á meðal fyrirlesara á Me Too-ráðstefnunni sem haldin var í september 2019 í Reykjavík og hélt lokaræðuna.

Roxane Gay er höfundur ritgerðasafnsins Bad Feminist, sem var á metsölulista New York Times; skáldsögunnar An Untamed State, sem var tilnefnd fyrir Dayton Peace-verðlaunin, og smásagnasafnanna Difficult Women og Ayiti. Hún er dálkahöfundur hjá New York Times en hefur einnig skrifað fyrir Time, MsSweeney’s, Virginia Quarterly Review, Los Angeles Times, The Nation, The Rumpus, Bookforum og Salon. Sögur hennar hafa einnig verið valdar í smásagnasöfnin The Best American Short Stories 2012, The Best American Mystery Stories 2014 og önnur safnrit. Hún er höfundur World of Wakanda-teiknimyndasögu sem kom út hjá Marvel. Hún býr í Lafayette, Indiana, og stundum í Los Angeles.

Þýðandi: Katrín Harðardóttir.

Frí heimsending innanlands þegar pantað er í netverslun okkar. 

Hungur eftir Roxane Gay fæst einnig í eftirfarandi verslunum: 

         

Hljóðbók á Storytel. 

Íslendingar erlendis geta einnig pantað kilju í gegnum Amazon.